انصار: (د سلواغی ۲۵مه)، د طالبانو د رژیم ویاند ذبیح الله مجاهد په افغانستان کې د داعش ډلې د فعالیتونو په اړه د ملګرو ملتونو د امنیت شورا راپور رد کړ.
د ملګرو ملتونو سرمنشي انتونیو ګوترش د اسلامي دولت ډلې یا داعش د خراسان څانګې په لیکو کې د افغانانو د حضور او کارول کېدو په اړه خپل هغه راپور خپور کړی چې د ملګرو ملتونو د امنیت شورا ته لیکل شوی.
په دې راپور کې ویل شوي چې د داعش په لیکو کې د افغانانو استخدام د پام وړ و.
د طالبانو ویاند ذبیحالله مجاهدوایي چې داعش ډله په افغانستان کې ځپل شوې او له همدې امله د نورو هېوادونو پر وړاندې هېڅ ګواښ نهشي رامنځته کولای.
هغه زیاتوي:«له بدغه مرغه ځينې بنسټونه غواړي چې د داعش لپاره کمپاین وکړي، هغوی د داعش پر لویو ښودلو بوخت دي چې دا ګام بېځایه دی. موږ د دې غوښتونکي یو، د دې پر ځای چې داعش ته کمپاین وشي، واقعیتونه په پام کې ونیول شي او عامه ذهنونه له تشویش سره مخامخ نهشي.»
تر دې مخکې هم ځينو هېوادونو د داعش ډلې د احتمالي ګواښونو په تړاو اندېښنې څرګندې کړې وې؛ خو دغه موضوع تل د طالبانو د رژیم له لوري رد شوې ده.
دا راپور داسې مهال خپور شوی، چې راتلونکې اوونۍ په دوحه کې د افغانستان په اړه د ملګرو ملتونو د سرمنشي په کوربه توب یوه مهمه غونډه ترسره کیږي.
دې غونډې ته د طالبانو د رژیم استازي هم بلل شوي او ګومان کیږي، چې د دغه راپور خپریدل به پر طالب رژیم د فشارونو یوه برخه وي.
URL تعقيب: https://www.ansarpress.com/pashto/30130
امرالله صالح: د طالب جګړه د دین لپاره نه د قدرت لپاره ده، د نورو د ګټو لپاره خپل خلک وژني